كتاب حبيب نفساني للكاتب د حاتم صبري
 |
| كتاب حبيب نفساني تأليف د حاتم صبري |
عن ماذا يتكلم كتاب حبيب نفساني
كتاب حبيب نفساني رائع وشديد الأهمية خاصة للمراهقين والشباب، بل والبالغين كذلك. أسلوب الدكتور حاتم صبري لطيف وسهل. الأربع نجوم بسبب استخدام العامية، وإن كنت متفهمة سبب اللجوء لها.
ولكن أنا ممن يرون أن الكتابة بالعامية (أيّ عامية) يُفقد الكاتب جمهورا أكبر، ويجعله شديد المحلية. شكرا د. حاتم على هذا الكتاب القيم وفي انتظار كتبك القادمة ان شاء الله بقلم مروة مدين
مراجعة كتاب حبيب نفساني دار النشر: تويا الكاتب: حاتم صبري
ريفيو من غير ما نتكلم فيه عن الغلاف، بحس إنه ناقص، الغلاف جميل لكن مش للمحتوى ده، وده أنا عندي صدام الغلاف هياخد العلامة ولا لأ! نقول في الأخر..
الكتاب على فصول، من أول مرحلة اللفة، أو كما سماها الكاتب" الحب من زمن اللفة" العنوان غريب ومُلفت لإنك تسيب كوباية الشاي وتقرب من الكتاب أكتر عشان تفوكس أكتر يمكن تكون فاهم غلط!
دكتور حاتم بيقول إن المرحلة دي هي السبب في تكوين شخصيتنا! واستند هنا "بفرويد" وقسم المرحلة على 3 مشتقات" الفمية، الشرجية، القضيبية، الكمون"
طبعًا الموضوع يصعب سرده في مراجعة عشان منظلمش الكتاب، بعدها بيكلمنا عن نشأة الحُضن، والقبلات، والعلاقة الجسدية، وحب لمؤاخذة المؤخرة! والكلام الحلو، وحب الهدايا، وإحساس الأمان، وباقي المشتقات ال9.
وبعدها انتقل إلى مرحلة المراهقة وليه بنقع في حبنا الأول اللي فالغالب بيكون من غير معايير ولا مقومات، وأسباب فشله..
والفصل اللي كان محبب لقلبي حتى أثناء التصحيح" الحب قي زمن الكيميا" وده بقى بيتكلم عن الهرمونات والأعصاب والخلايا اللي شغلانتها الشعور بأي شيء.. الكتاب مميز، أول مرة يدهوني أستاذ شريف، قالي هند تصححي علم نفس، قولت له بلاش كتب، راح بعتهولي برضه، وحقيقي لما تعاملت في الكتاب وبدأت أتعمق فيه لقيت نفسي بعامله زي الكنز، اللي هو إحنا نقرأ الكتاب بمزاج وبعدها نصححه، وحقيقي كنت متمزجة جدًا بالمحتوى..
لغة الكتاب عامية لطيفة، الكاتب طبيب متخصص في الطب النفسي وأمراض المخ والأعصاب، يعني هتقرأ محتوى مدروس ومحسوب كويس..
في عيب وحيد ف المجمل، بعض الفصول كنت حابة الاستفاضة فيها أكتر، عشان القارئ يلاقي حجج ويقتنع أكتر.. الكتاب هياخد 4 علامات من 5 استمتعت جدًا بالمحتوى، نشكر دكتور حاتم ع إنه كتب لنا محتوى مش هيتكرر تاني ..... تعليق بقلم هند سعد الدين
غلاف كتاب حبيب نفساني
 |
| كتاب حبيب نفساني للكاتب د حاتم صبري |
نبدة عن الكاتب د حاتم صبري
د حاتم صبري حاصل على بكالوريوس الطب والجراحة . ماجستير الطب النفسي وأمراض المخ والأعصاب وعلاج الإدمان درس التحليل النفسي وقام بالتدريب عليها على أيدي عدة أساتذة في مجال التحليل النفسي بمصر رئيس مجلس إدارة والمدير الفني المستشفى الشمس للصحة النفسية وعلاج الإدمان
شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم